Róni á Hlemmi sagði mér að það væri ómögulegt að stunda betl í dag. Bæru allir fyrir sig að vera bara með kort. Róninn sagði mér líka að við tveir vissum það nú jafn vel að það væri lygi. Ég skammaðist mín og taldi 43 krónurnar sem ég átti í buxnavasaklinki í lófann á honum.
Svo fannst mér fyndið að benda honum að fá sér bara svona ferðaposa. Held að það væri fyndið að sjá róna á Hlemmi að betla: „Ég tek líka kort!“
En ég benti honum ekki á þetta. Held að honum hefði ekki fundist það fyndið.
7 ummæli:
Ég gæti gefið honum lokaeintak Torfsins sem ég ritstýrði með rónanum að semja meistaraverkið á fartölvu á forsíðu ...
en gaman! er einhverstaðar hægt að nálgast þessa eldri Torf-a, Torfið, eða Torf.. jahh hvað sem það nú hét?
Veit ekki með bókhlöðuna, ef það er ekki þar ætti maður kannski að gefa afgangana sína af 2 og 3 tbl. - 1. tbl. er raritet sem ég ætla að selja fyrir milljónir þegar allir sem skrifuðu í það verða orðnir nóbelsverðlaunahafar ...
Thú ert duglegur ad spjalla vid rónana Hallur. Thad er fínt, thar sem flest okkar láta bara sem their séu ekki til, og fordast ad thurfa ad eiga nokkur samskipti vid thá.
ekki létum við okkar eintök á bókhlöðuna í vetur, var það venjan?
já, rónunum finnst einhverra hluta vegna eðlilegt að hefja samræður við mig. mér finnst bara dónaskapur að veifa þeim burt.
Málið er að prentsmiðjur hafa skilaskyldu gagnvart lögum, m.a.s. af auglýsingabæklingum og e-u drasli - en hins vegar hef ég ekkert ógurlega trú á að vinir mínir í Háskólafjölritun hafi tekið það mjög hátíðlega. En ef þið hafið prentað þetta sjálf þá er náttúrulega um að gera að prenta bara út 3 stykki í viðbót af hverju og láta Bókhlöðuna fá.
Skrifa ummæli